EAEko industriak duela urtebete baino % 11,7 gehiago fakturatu zuen uztailean

EAEko industriaren salmentak % 11,7 hazi ziren uztailean aurreko urteko datuekin alderatuta, baina eskariak % 0,3 egin zuen behera, Espainiako Estatistika Insitutuak (INE) jakinarazi duenez.

Sektorearen negozio bolumenak % 8,9 egin du gora aurtengo lehenengo zazpi hilabeteetan 2017ko epe beraren aldean, eta eskaria % 5,3 hazi da batez beste.

Nafarroan hazi zen gehien industriaren negozioa Estatu osoan, % 29 hain zuzen ere, eta EAE bosgarren postuan geratu da zerrenda horretan.

Eskaeren kasuan, aldiz, EAE azken postuetan geratu da, laugarrena atzetik.