Gorenak ez ditu onartu aire-kontrolatzaileek aurkeztutako helegiteak

Auzitegi Gorenak USCA aire-kontrolatzaileen sindikatuak aurkeztutako helegiteak ez onartzea erabaki du. Helegite horiek Gobernuko dekretuak legez kanpo zeudela salatzen zuten. Iragan abenduan, dekretu horien bidez, Gobernuak alarma egoera eta zibilen aire-zirkulazio zerbitzuen militarizazioa ezarri zituen.USCAk abenduaren 9an aurkeztu zituen dekretuen aurkako helegiteak. Euren esanetan, Gobernuak jarraitutako prozedurak "zalantzak" sortzen zituen, baita arau horiek oinarritzeko aukeratutako legeak ere. Gaur jakitera eman dute aktaren arabera, Auzitegi Gorenak USCAren argudioak aintzat ez hartzea erabaki du eta, ondorioz, Gobernuaren dekretuak legezkoak direla adierazi.