Ekonomia -
Elkarrizketa Radio Euskadin
Carlos Aguirre: 'EAJk gehiegizko ordezkaritza du hiru kutxetan'
Ekonomia sailburuak dio Zapateroren Gobernuak ezin diola Jaurlaritzari imposatu EAJk proposatzen duen erabateko bat-egitea.
Erredakzioa
Carlos Aguirre Ekonomia sailburuak esan du EAJk "gehiegizko ordezkaritza" duela euskal aurrezki kutxetan, eta gainerako alderdiek "ordezkaritza urriegia" dutela.
Aguirrek Radio Euskadin egindako elkarrizketa batean azaldu duenez, hiru kutxen bat-egite "beroa" proposatzen badute, "arazo politikoak eta pisu ekonomikoari lotutakoak izan daitezke".
Azaldu duenez, Eusko Jaurlaritzak bat-egite "hotzaren" alde egiten du BBKren eta Vital Kutxaren kasuan, "denbora arrazoiengatik, azkar eta zehatz" egin daitekeelako.
Erabateko bat-egiteak "prozesu luzeagoa" beharko luke eta horietan Kutxa ere sartu beharko litzateke.
Aguirrek esan du Jaurlaritzak badakiela EAJ "presioa" egiten ari zaiola Gobernuari PSE-EEk eta Jaurlaritzak hiruko bat-egitea babes dezaten.