Ekonomia -
SESTAO
La Navaleko Batzordea ez da Madrilera joango, Industriatik deia jaso ostean
Langileen batzordeak Ministerio aurrean "plantoa" egiteko asmoa zuen Reyes Marotorekin biltzea lortu arte. Ostiralean deitu zieten eta martxoaren 14an edo 15ean hartuko dituztela jakinarazi zieten.
AGENTZIAK | ERREDAKZIOA
La Navaleko Batzordeak bertan behera utzi du astearte honetan Madrilera joan, eta Industria Ministerioaren aurrean "plantoa" egiteko zuen asmoa, Ministeriotik bilera baterako data emanez deia jaso ostean.
Langileen ordezkariek esana zuten Ministerioaren aurrean jarri, eta ez zutela alde egingo, Reyes Maroto ministroarekin biltzea lortu arte.
Batzordetik jakitera eman eman dutenez, ostiralean deia jaso zuten Industria Ministeriotik, Marotok martxoaren 14an edo 15ean hartuko dituela jakinaraziz, eta dei horren ostean, bidaia ez egitea erabaki zuten.
Astelehen honetan emango diete data zehatza.
