Ekonomia -
19 egun
Amaitu da Gipuzkoako zaharren egoitzetako langileen greba
Astelehenean itzuliko dira lanera, ia hiru asteren ostean, baina gatazkak bere horretan jarraitzen du, oraindik lan-hitzarmenik jarraitzen baitute.
eitb.eus
Amaitu da Gipuzkoako zaharren egoitzetako greba. 19 eguneko lanuztearen ostean, astelehenean bueltatuko dira lanera. Gatazka, ordea, ez da amaitu, oraindik lan hitzarmenik gabe jarraitzen baitu sektoreak.
Hasi bezala amaitu da Gipuzkoako zaharren egoitzetako langileen protesta. Gipuzkoako Foru Aldundiaren atarian egin dute bilkura, eta ondoren manifestazioa. Horrela eman diote amaiera 19 egunez luzatu den grebari.
Aldundiaren jarrera salatu du sektorean gehiengoa duen ELA sindikatuak. Patronalarekin aurreakordioa lortuta dutela dio sindikatuak, baina erakundeak ukatu egiten duela.
Hori dela eta, negoziatzeko eskaera egin dio sindikatuak.
5.000 langilerengan du eragina Gipuzkoan zahar etxeetako lan hitzarmenak, eta bi urte daramate hitzarmena negoziatzeko borrokan.