Ekonomia -
KPI-AREN apirileko DATUAK
Urte arteko inflazioa Espainian % 1,5ekoa izan da apirilean
Aste Santuan jasotako turismoaren eraginez hazi da inflazioa apirilean Estatu mailan.
Agentziak | erredakzioa
Kontsumorako Prezioen Indizearen (KPI) urte arteko tasa % 1,5eraino hazi da apirilean Estatu mailan, Aste Santuko turismoak izandako gorakadak bultzatuta.
Espainiako Estatistika Institutuak astearte honetan emandako datu aurreratuen arabera, turismo paketeen salneurriak gora egin zuen apirilean, 2018ko beheranzko joerarekin alderatuta.
Hilabeteko tasari dagokionez, KPIa % 1 hazi da martxoarekin (% 0,8) alderatuta. Hala ere, datuok maiatzaren 14an berretsi beharko dituzte.
Espainiako Estatistika Institutuaren datuen arabera, inflazioak gora egin du azken hiru hilabeteotan, 2018ko urrian behea jo ostean, % 2,3tik 2019ko urtarrileko % 1era igaro baitzen.
Horrenbestez, otsailean % 1,1 hazi zen; martxoan, % 1,3; eta, apirilean % 1,5.
Bestalde, KPI harmonizatuak hiru hamarren egin du gora eta % 1,6an kokatu da.