Langile bat hil da Zestoan, zuhaitz bat gainean erorita

Inausketa egiten ari zela jazo da ezbeharra Santa Engrazia mendian.

Larrialdietako zerbitzuak, ezbeharra izan den lekuan. EiTBren bideo batetik ateratako irudia

agentziak | erredakzioa

azken eguneratzea: 2019/05/20 12:33 (UTC+2)

Gizonezko langile bat hil da astelehen honetan, Gipuzkoako Zestoa udalerrian, mozketa lanak egiten ari zela zuhaitz bat erori eta harrapatu ondoren, Eusko Jaurlaritzako Segurtasun Sailak Europa Press berri agentziari jakinarazi dionez.

Segurtasun Sailak goizeko 09:50 aldera izan du lan-istripuaren berri. Antza denez, zuhaitzak mozteko enpresa bateko langile bat izan da hildakoa, bere lana egiten ari zela zuhaitz bat gainera erori ondoren, Santa Engrazia mendian, Zestoan.

Hau zure interesekoa bada, baliteke beste gai hauek ere izatea

Lan-istripuak Gipuzkoako albisteak Ekonomia Eguneko albisteak Eguneko albisteak Zestoa

Langile bat hil da Zestoan, zuhaitz bat gainean erorita

Esteka kopiatuta