Itxi

2019/07/17

12:21

Ekonomia

MERKATARITZA ELEKTRONIKOA

Europako Batzordea Amazon ikertzen ari da, lehiaren arauak urratu dituelakoan

AGENTZIAK | ERREDAKZIOA

AEBko multinazionalak merkatari independenteen 'isilpeko informazioa' bildu eta erabiltzen duenaren susmoa du Bruselak.

  • Amazon AEBko multinazionalaren logoa

    Amazon AEBko multinazionalaren logoa. Artxiboko argazkia: EFE

  • Whatsapp
  • Whatsapp
  • Telegram
  • Bidali

Europako Batzordeak Amazon multinazionala ikertuko du, lehiaren arauak urratu ote dituen ala ez argitzeko.

On line bidezko saltoki gisa ez ezik, merkatari independenteen erakusleiho eta merkatu gisa funtzionatzen duen plataformak azken horien "isilpeko informazioa" bildu eta erabiltzen duenaren susmoa du Bruselak.

"Merkataritza elektronikoak txikizkako merkataritzaren baitan lehia areagotu du aukerak handitu eta prezioak murriztu ditu. On line plataformek lehiaren kontrako jarrera ez izatea eta onura horiek ez kentzea ziurtatu behar dugu", adierazi du Margrethe Vestager Lehia komisarioak ohar batean.

Ikerketaren baitan hainbat kontu argitu nahi ditu Europako Batzordeak. Alde batetik, ea bere plataforman diharduten beste saltzaile batzuen datuak bildu eta erabili ote izan dituen, lehiari eraginez. Bestetik, datu horiek erosketa egiterakoan duten eragina aztertu nahi du, hots, erosketa orgarako sarbide zuzena ematen dien ala ez (klik bat eginda produktua erosketa orgara igarotzen ote den).

Edozein kasutan, Europako Batzordearen arabera, ikerketa bat ireki izanak ez du esan nahi emaitza idatzita dagoenik. Bruselak Amazon multinazionala eta AEBko agintariak jakinaren gainean jarri ditu.



  • Bisitatuena

      Kargatzen ikusiena
      Kargatzen ikusiena
    ;