Ekonomia -
Erregaia udan
Hauek dira EAEko zein Nafarroako gasolina-zerbitzugunerik merkeenak
Gogoan izan uda honetan zeintzuk diren zerbitzugunerik merkeenak Gipuzkoan, Bizkaian eta Araban zein Nafarroan, eta ez gehiago ordaindu.
eitb.eus
Udan, joan-etorriak ugaritu egiten dira eta ibilgailuen erregai-tanga behin eta berriro bete behar izaten da. Dirua aurrezten laguntzeko, OCU Kontsumitzaileen eta Erabiltzaileen Elkarteak gasolina-zerbitzugune merkeenen zerrenda egin du.
Gipuzkoan, gasolina-zerbitzugune merkeena Oiartzungo Alcampon dago, AP-8an, Astigarragako bidean.
Araban, bi zerbitzugune gomendatu ditu OCUk Langraiz Okan; batetik, Petronieves, Maastrichteko Ituna kalean, eta, bestetik, Eurocam, Parisko Ituna kalean. Ribabellosan, berriz, Eroski merkataritza-gunean bete ahal izango dugu erregai-tanga merkeen.
Bizkaian, AP-8/N-634 errepideen artean, Eituan (Berriz), Euskadilowcost gasolina-zerbitzugunea da preziorik onena eskaintzen duena, N-634ko 77. kilometroan. Arrigorriagan ere, erregai merkeagoa lor dezakegu N-232/AP-68 errepideetan, Petronorreko gasolina-zerbitzugunean.
Nafarroako kasuan, Altsasura joan beharko gara tanga betetzera, Izelai Fuel zerbitzugunera, Iruñea etorbidean. Tuteran, berriz, Bardeako gasolina-zerbitzuguneak dauka erregairik merkeena, Serna industrialdean; baita Eurocam zerbitzuguneak ere, Las Labradas industrialdean.