Alemaniako ekonomia % 0,1 uzkurtu da bigarren hiruhilekoan

Estatistika Bulego Federalaren (Destatis) arabera, Alemaniako barne-produktu gordina (BPG) % 0,1 uzkurtu da aurtengo bigarren hiruhilekoan, lehenengoarekin alderatuz.

Bigarren hiruhileko estropezua lehenengo hiruhilekoaren % 0,4ko igoeraren ostean heldu da.

Alemaniako ekonomiaren eboluzio txarraren arrazoi nagusia Ameriketako Estatu Batuen eta Txinaren arteko gerra komertziala da, horrek kalte egin baitio atzerriko sektore indartsuari eta manufaktura-industriaren errendimenduari.

Azken egunetan emandako datuen arabera, industriaren produkzioa % 5,2 jaitsi da uztailean, urtebeteko datuekin alderatuta, hamarkadako jaitsiera handiena, eta esportazioak % 8, azken hiru urteetan izandako beherakada handiena.

Boris Johnson lehen ministro izendatu ostean akordiorik gabeko amaierara hurbiltzen ari den "brexit"aren inguruko zalantzak eta euroguneko ekonomia hozteak eta Italiako arazo politikoek ere asko lagundu dute horretan.

Motorraren industria (herrialdeko enplegatzaile eta esportatzaile nagusia) ere, ez dago unerik gozoenean. Iazko urte amaieran Europak ezarritako emisio arau berriek eragindako arazoei eskariaren jaitsiera gehitu zaie.