Ekonomia -
Bankuen arteko akordioa
Ipar Kutxa eta Bankoa balizko itun bat aztertzen ari dira
Erakunde bakoitzaren egitura dela eta, prozesuak "ezaugarri berriak" izango ditu. Ituna oraindik ez dago itxita eta horren gaineko xehetasunak asteartean eskainiko dituzte, Gasteizen.
Redacción
Ipar Kutxa kreditu kooperatiba eta Credit Agricole taldearen Bankoa balizko itun bat sinatzeko aukera ari dira aztertzen. Ipar Kutxaren iturriek baieztatu duenez, bi erakundearen egitura desberdinak direnez, itunak "ezaugarri berriak" izango ditu.
Bi erakundeen atalek onartu beharko dute prozesua, oraindik "itxita ez dagoelako". Itunari buruzko xehetasunak bihar, asteartea, emango dituzte jakitera, bi finantza-erakundeen buruan Gasteizen izango baitira prentsaurreko bat eskaintzeko asmoz.
Maiatzaren 31an, 3.523,47 milioi euroko aktiboak zituen Ipar Kutxak. Urteko lehenengo hiruhilekoan, 3,18 milioi euroko irabaziak izan zituen, iazko emaitzekin alderatuta, % 0,65 gehiago. Enpresak 403 langile eta 168.000 bezero baino gehiago ditu. Guztira, 90 bulego ditu, Araban eta Bizkaian bereziki.
"Gure indar finantzarioa dela, presarik baina etenaldirik gabe, aurrera egin dezakegu, kutxaren erronkak eta finantza sistema hobetzeko balizko itunaren bila, alegia", azaldu du Carlos Oses Ipar Kutxaren zuzendari orokorrak.
Credit Agricole osatzen duen Bankoak 7,3 milioi euroko irabaziak izan zituen, iaz irabazitako antzeko kopurua. Urtea bukatzean, erakundeak 1.731 milioi euroko aktiboak zenbatu zituen.