Metroko langileen erdiak egin du bat eguneko lehen lanuztearekin

Metro Bilbaoko langileen gehiengoak bat egin du bi orduko lanuztearekin, 06:30 eta 08:30 artean, protesta deitu duten sindikatuek jakitera eman dutenez.

ELAk, Enpresa Batzordean gehiengoa duenak,&' || 'nbsp; zehaztu du plantillaren erdia gelditu dela, zerbitzu minimoak % 40koak direla kontuan izan gabe.

Gainera, zerbitzu minimo horiez gain, aipatu iturriek zehaztu dute langileek ibilbidea amaitu egin behar dutela, nahiz eta grebaren ordutegian egokitu. CC. OO.k greba deialdia alde batera uzteak ez omen du eraginik izan protesten jarraipenean.

Enpresak eta sindikatuek egindako bilerek porrot egin ondoren, ELA, LAB, UGT, CIM eta ESK-CUIS sindikatuek gaurko eta ekainaren 14ko, 16ko, 21eko eta 23ko grebei eustea erabaki dute.

Zerbitzuaren % 62,3

Metro Bilbaok ohiko zerbitzuaren % 62,3 eman du Enpresa Batzordeak 06:30etik 08:30era deitu duen lanuztean eta ez da gertakari azpimarragarririk izan, enpresak jakitera eman duenez. Bi orduko beste lanuzte bat egingo dute gero, 18:30etik 20:30era.

Eguneko lehenengo lanuztean 35.964 erabiltzaile izan ditu metroak, lanegun normal batean erabiltzen dutenen % 87,5, hau da, aurreko asteko lanuztean baino % 2 gehiago, aipatu iturrien arabera. 92 langilek egin omen dute bat Enpresa Batzordearen deialdiarekin.