Ekonomia -
Ministro Kontseilua
Gobernuak negoziazio kolektiboaren erreforma onartu du
Hitzarmenak berritzeko epea 8 eta 14 hilabete artekoa izango da. Bi urteko iraupena dituzten hitzarmenentzat 8 hilabetekoa izango da eta iraupen gehiago dutenentzat, ordea, 14 hilabetekoa.
Erredakzioa
Ministro Kontseiluak negoziazio kolektiboaren erreformaren premiazko neurrien dekretu legea onartuko du. Horren arabera, 8 eta 14 hilabete artean ezarri da hitzarmenak berritzeko gehiegizko epea, Valeriano Gomez Lan ministroak ezarri zituen 12 eta 18 hilabete arteko epea baztertuz.
Lan Ministerioak Enpresa Erakundeen Espainiar Konfederazioari, CCOOri eta UGTri bidalitako lehenengo zirriborroak ezartzen zuen gehiegizko epea 20 hilabetekoa zen, bitartekotza mekanismo batek eskua sartu baino lehen. Epe hori alde batera geratu da eta 8 eta 14 hilabete artean ezarri da hitzarmenak berritzeko gehiegizko epe berria, ministerioaren proposamena azaltzeko sindikatuekin batu ostean.
Dekretuaren arabera, bi urteko iraupena dituzten hitzarmenentzat 8 hilabetekoa izango da eta bi urteko baino gehiagoko iraupena dutenentzat, ordea, 14 hilabete izango da muga.
Bestalde, negoziaziorako "dinamika" berri bat ezarri da, izan ere, hitzarmen bat salatzeko epea 6 hilabetekoa izatetik 3 hilabetekoa izatera pasatzen da. Gainera, hitzarmen berri baten negoziazio batzordea eraikitzeko denbora hilabete batekoa izango dela ezarri da. Bi epe hauek agortuta, bitartekotza prozesu bat jarriko da martxan, adierazi du Gomezek, eta sistema honi esker aire kontroladoreen arazoa konpondu zela gogorarazi du.
Valeriano Gomezek azpimarratu dituen berritasunen artean, enpresa hitzarmena hitzarmen probintziaren gainetik egongo dela da, soldata, lanaldia, eginkizun eta lekualdaketei dagokionez.
Barne malgutasunari dagokionez, hitzarmenetan lehiakortasunerako mesedegarri diren neurriak eta egungo lan eta ekonomia baldintzei egokitzeko gutxieneko edukiak egotea behartuko du erreformak. Dena den, neurri hauek enpresa eta langileen artean adostutakoak izan behar dira.
Malgutasunari dagokionez, enpresak langileen baldintzak aldatzea erabakitzen baldin badu (soldata, lanaldia, eginkizun eta lekualdaketei dagokionez), sindikatuei aholkuak eskatzeko 15 eguneko epea ezartzen da.
Lan ministroak adierazi duenez, erreformak "etekin handia" eragingo du epe ertainean, berezko hitzarmenak dituzten enpresak haziko direlako.
