Politikaren txanda Europan

Euroa proiektu politikoa da eta, beraz, euroaren krisiak soluzio politikoa du soilik.

Harrigarria dirudi baieztapenak, euroa proiektu ekonomikoa ere badelako, baina alderdi ekonomikoak soilik hartu izan balira kontuan, euroa, seguruenik, ez zatekeen inoiz jaioko.

Ekonomialariek ondo baino hobeto ezagutzen dute arlo monetario ezin hobeen teoria. Horrekin, herrialdeen artean, moneta batasun batek zein baldintzatan funtziona dezakeen ezagutu daiteke.

Ekonomialari askok ohartarazi zuten Eurogune handia ez zela arlo monetario ezin hobea. Alemaniaren inguruko dozena bat herrialderekin funtziona zezakeela zioten, baina ez horren ekonomia desberdinetako hainbeste herrialderekin. Hala ere, 90eko hamarkadako lider europearrek erabaki zuten euroa bultzatzea Europako politika-batasunean aurrerapausoa ematearren.

Ekonomilariek jakinarazi zuten euroaren herrialde guztientzat gobernu ekonomiko bakarra egon ezean, proiektuak ezingo zukeela bere horretan mantendu. Arrazoi osoa zuten.

Irtenbidea, beraz, politikoa bakarrik izan liteke: guztiek elkarrekin eta ideia argiekin ekitea. Eta horixe da, hain zuzen ere, gertatzen ari ez dena.