Ekonomia -
2012ko aurrekontuak
Gobernuak proposatutako gastuaren muga errefusatu du Senatuak
PSOEk ez du gehiengorik Senatuan eta emaitza ez da ezustekoa izan. Ondorioz, testua Diputatuen Kongresura itzuliko da ostegun honetan behin betiko onartzeko.
Erredakzioa
2012ko Aurrekontu Orokorrak osatzeko Gobernuak proposatutako gastuaren muga errefusatu du Senatuak gaur. PP, ERC, ICV, BNG eta PAR alderdiek kontra bozkatu dute, guztira 123 boto. Proposatutako gastuaren muga 117.353 milioi eurokoa da.
Proposamena 112 senatari sozialistek babestu dute soilik, eta CiUko, EAJko eta CCko ordezkariak abstenitu egin dira.
Emaitza espero zena izan da; izan ere, PSOEk ez du gehiengoa Senatuan. Hori horrela, testua Kongresura itzuliko da bihar behin betiko onartua izateko, atzo CiU, EAJ, Coalicion Canaria eta UPN alderdiek abstentzioa aurkeztu ostean.
Egoera finantzario zaila dela eta, Elena Salgado Ekonomia ministroak "ardura berezia" eskatu die alderdiei gaurko bozketan.
