Gazteentzako azken enplegu neurriak dituen dekretua onartu dute

Kongresuko osoko bilkurak 30 urterainoko hezkuntza kontratu berria eta aldi baterako kontratutako langileei kontratu iraunkorra egiteko beharra bertan behera uzten duen onartu du.

Neurriak aldeko 166 boto izan ditu, kontrako 15 eta 157 abstentzio; bigarren botazio batean, lege-proiektu gisa bideratzea onartu dute, baina legealdia bukatzeko dagoenez, ez du denborarik emango.

PSOEren botoekin bakarrik atera da dekretua aurrera; PPk, CiUk eta CCk, aldiz, abstentzioa aurkeztu dute, eta gainerako taldeek aurka egin dute.

PPK abstentzioa aurkeztea erabaki du, neurriak behin-behinekotasunaren eta ezegonkortasunaren arazoa konpontzen ez duela uste arren; eta nazionalistei kontzesio gehiago ematea saihesteko.

Lege dekretuaren arabera, hezkuntzarako kontratu berria 30 urte baino gutxiagoko gazteei egin ahal izango zaie 2013. urtera arte; Gizarte Segurantzaren kotizazioan murrizketak izango ditu.

Halaber, behin-behineko kontratuak enpleguaren sustapen iraunkorreko kontratuak bihurtzeko epea 2012. urtera arte luzatuko du dekretuak. Ildo horretan, kontratu berriaren arabera, bidegabeko kaleratzea gertatzen bada, lan egindako urte bakoitzeko 33 egun emango dira, orain arteko 45 egunen ordez.