Ia % 7koa da Espainiako finantza sistemaren berankortasuna

Bankuek, kutxek, kooperatibek eta kredituak emateko finantza-establezimenduek partikularrei eta enpresei emandako kredituen berankortasuna % 6,93ko mailara heldu zen uztailean.

Berankortasunak gora egin du iazko datuekin (% 5,47) eta ekainekoekin (% 6,41) alderatua , eta 1995eko otsailetik izandako berankortasun maila handiena da, Espainiako Bankuaren datuen arabera.

Finantza entitateen kredituen berankortasuna 124.717 milioi euroan kokatu da.

1.797 bilioi euro eman zituzten uztailean kredituetan, ekainean baino % 1 gutxiago eta orain dela urtebete baino % 1,9 gutxiago.