58 milioi bidaiari inguru izan ditu Metro Bilbaok aurten

Metro Bilbaok 57.811.501 erabiltzaile izan ditu urtarriletik abuztura bitartean, iazko tarte berean izandako bidaiarien % 2 gehiago. Gainera, 2011ko Aste Nagusian Bilboko metroa erabili duten lagun kopurua % 7 hazi da.

Bilbon egin den prentsaurreko batean, Iñaki Prego kontseilari delegatuak eta Loly de Juan Metro Bilbaoko zuzendariak 2011ko urtarrila eta abuztua bitartean izandako emaitzak aurkeztu dituzte.

“Azkenengo balantze hau ona da eta aurreikuspenak betetzen ditu”, esan du Pregok. Horretaz gain, “Metro Bilbaorentzat ekitaldi ona” dela gaineratu du.

Halaber, aurtengo lehenengo zortzi hilabetetan, uztailan izan ezik, metroa erabili duten lagunen kopuruak gora egin du.

Ostegun honetan aurkeztu den balantzean agertzen den berrikuntza otsailaren 28an zabaldu zen Arizko geltokia da.