Ekonomia -
MERKATARITZA
Bilboko 30 negoziok alokairuak adostu dituzte Udalaren bitartekaritzarekin
Bilboko Udalak ekainean jarri zuen martxan zerbitzu hau, COVID-19aren krisiaren kalteak jasan dituzten negozioei alokairuen prezioa adosten laguntzeko.
Agentziak | Erredakzioa
Bizkaiko hiriburuko 30 negoziok Bilboko Udalak abian jarritako doako bitartekaritza-zerbitzuaren laguntza jaso dute. Zerbitzuak merkataritza-lokalen alokairuen inguruko akordioak adostea du helburu, pandemiaren krisiaren kalteak jasan dituzten eta alarma-egoeran euren jarduera bertan behera utzi behar izan dituzten negozioei laguntzeko.
Zerbitzua ekainean jarri zen martxan, eta Bilbao Ekintza udal-sozietatearen bidez kudeatzen da. Udalak hirian COVID-19aren ondorioei aurre egiteko aktibatu duen premiazko neurrien artean dago.
