Jaurlaritzak turista datuak bikoiztea espero du

Bernabe Unda Eusko Jaurlaritzako Industria, Merkataritza eta Berrikuntza sailburuak adierazi du terrorismoaren amaieraren ostean Espainiara etortzen diren turisten % 10ek Euskadi bisitatzea, hots, egungo turista kopurua bikoiztea, espero duela.

Bilbon eskainitako hitzaldi batean, sailburuak gogorarazi du ETAk indarkeria utzi baino lehen Euskadik 27 hilabete zeramatzala turismo datuak hobetzen, hau da, 2009ko uztailetik.

Indarkeria bukatu den honetan, baina, "errazagoa izango da turista igorle diren merkatu batzuetara iristea". "Kanpotik begi onez ikusiko gaituzte", gaineratu du.

"Basque Country marka indartzeko unea da", nabarmendu du.