Ekonomia -
Enplegua
Sidenorrek abenduaren 26an indargabetuko du aldi baterako lan-erregulazioa
Zuzendaritzak esan du aldi baterako lan-erregulazioa erretiratzea erabaki duela, "lan-karga handituko delako eta absentismoak gora egin duelako".
AGENTZIAK | ERREDAKZIOA
Sidenorrek jakinarazi du datorren abenduaren 26an bertan behera utziko duela lantalde osoari -1.500 behargin inguru- eragiten dion aldi baterako lan-erregulazioa.
Sidenorrek Euskal Herrian, Kataluniak eta Katalunian ditu lantegiak. Sindikatuekin negoziatu zuen lan-erregulazioa, baina ez zen akordiorik izan. Hala ere, zuzendaritzak plana indarrean jartzea erabaki zuen, salmentek behera egin zutela ikusita eta ziurgabetasuna nagusi zelan kontuan hartuta.
Konpainiako iturriek bi arrazoi azpimarratu dituzte lan-erregulazioa bertan behera uzteko: alde batetik, absentismoa "oso altua" dela, % 15ekoa, hain zuzen ere; eta bestetik, datozen hiru hileetan lan-karga handiagoa izango dutela.
"Egoera honetan lan-erregulazioa kentzea beste aukerarik ez dugu", adierazi dute.
