Publizitatea
Itxi

2021/01/19

21:15

Ekonomia

Enplegua

Erregulazio txostenak maiatzaren 31ra arte luzatzea adostu du Espainiako Gobernuak

agencias | eitb media

Gainera, autonomoen elkarteekin jarduera eteteagatik ematen ari den laguntza data horretara ere luzatzea adostu dute.

  • Okina, lanean. Argazkia: EiTB

    Okina, lanean. Argazkia: EiTB

  • Whatsapp
  • Whatsapp
  • Telegram
  • Bidali

Espainiako Gobernuak, sindikatuek eta patronalak akordioa berritu dute lan erregulazio txostenak maiatzaren 31ra arte luzatzeko, eta aurrerantzean txostenak luzatzeko aukera egongo da baimen berriak eskatu gabe.

Yolanda Diaz Lan eta Gizarte Ekonomiako ministroak txalotu egin du eragile sozialek negoziazio denbora "agortu" ez izana, eta "enpresei eta langileei ziurtasuna emateko erantzukizunez" jokatu dutela adierazi du.

"Babes neurriak mantentzen eta luzatzen ditugu gogor kolpatu duten kolektibo batentzat", nabarmendu du, eta aldi baterako erregulazio txostenetara atxikitako enpresei sei hilabetez kaleratzeko debekua ezartzen jarraitzen dutela gaineratu du.

Antonio Garamendik zuzentzen duen patronalaren Batzorde Exekutiboak aho batez eman dio babesa Espainiako Gobernuaren dokumentuari, eta Cepymek gauza bera egin du arratsaldean.

Bestalde, CCOO eta UGT sindikatuek hasiera batean ez dute akordioa onartu, baina Exekutiboaren azken dokumentuari babesa eman diote, Escrivak eta Diazek azaldu dutenez.

"Onartu denak, funtsean, azken lau hilabeteetan indarrean egon den ereduari eusten dio", gaineratu du Escrivak.

Autonomoak

Bestalde, Espainiako Gizarteratze eta Gizarte Segurantza Ministerioak eta ATA, UPTA eta Uatae autonomoen elkarteek akordioa sinatu dute astearte honetan, jarduera uzteagatiko aparteko diru-laguntza maiatzaren 31ra arte luzatzeko, nahiz eta oraindik zenbait kontu ixteko dauden.

ATA, UPTA eta Uatae autonomoen elkarteek akordioa balioetsi dute, eta Espainiako Gobernuak bere aldarrikapenetako batzuk onartu ditu, hala nola jardueraren beherakada % 75etik % 50era jaistea prestazioa kobratzeko eta kuoten % 100etik salbuestea.

Gainera, UPTAk azpimarratu du 600 eurotik 1.200 eurora igo dela ezohiko laguntza kobratzeko muga.

  • Bisitatuena

      Kargatzen ikusiena
      Kargatzen ikusiena