40 urteko langile bat hil da Irunberrin, Acciona taldeko lantegian

40 urteko gizonezko bat hil da Acciona taldeak Irunberrin duen lantegian, Nafarroako Foruzaingoak Euskadi Irratiari jakinarazi dionez. Hildakoa Kantabriako Reinosa udalerrikoa da.

Lan ezbeharra bart gertatu da, 23:00etan, enpresak duen aparkalekuan. Antza denez, haize errotentzako besoak zeramatzan kamioi batek azpian harrapatuta hil da langilea.

Foruzaingoak ikerketa abiatu du lan istripuaren nondik norakoak argitzeko.

Sindikatuek salatu dutenez, urtea hasi zenetik Nafarroan hil den bigarren behargina da, hamargarrena Euskal Herrian.