Cameronek dio 'onartezinak' direla itunaren baldintzak

David Cameron Britainia Handiko lehen ministroak esan du euroa indartzeko itun berriaren hainbat baldintza "onartezinak" direla Erresuma Batuarentzat, izan ere, ez da onartu Britainia Handiko finantza sistemarentzat salbuespenak ezartzea.

Cameronek Europako Kontseiluaren bileraren ondoren emandako prentsaurreko batean azaldu duenez, "pozik" dago Euroguneko kide ez izateagatik.

Hala ere, txanpona konpartitzen duten herrialdeek "arazoak konpontzea" eta gaurko itunak horretan laguntzea espero du.

Europar Batasuneko erakundeak "27entzat" izaten jarraitzea aldarrikatuko duela jakinarazi du Cameronek.