Ekonomia -
Legebiltzarreko Batzordea
De Andresen iritziz, bikoiztasunen txostena ez da 'erabakigarria'
Arabako ahaldun nagusiak adierazi du "azterketa gidoi gisa" erabil daitekeela. Halaber, atzemandako bikoiztasun asko, erakundeen arteko osagarritasunak direla azpimarratu du.
Erredakzioa
Javier de Andres Arabako ahaldun nagusiak esan duenez, bikoiztasunen txostena "azterketa-gidoi" bezala erabil daitekeela, baina ez da "behin betikoa". Halaber, dokumentuan atzemandako bikoiztasun asko erakundeen arteko bateragarritasunaren ondorengoak dira, gaineratu du.
De Andres Jaurlaritza, aldundi eta udalen arteko eraginkortasun ezak eta bikoiztasunak aztertzen dituen Legebiltzarreko komisioan agertu da, Bizkaiko eta Gipuzkoako ahaldun nagusiek egin duten bezala. Jaurlaritzak zabaldutako txosten batean agertzen zenez, egoera horiek sortzen duten gastua 400 milioi euro baino gehiagokoa da.
"Txostena azterketa-gidoi bezala erabil daiteke, baina ez da behin betikoa, hala nahi bazuen ere", De Andresen hitzetan.
Arabako ahaldun nagusiak zehaztu du txostenean bikoiztasunak agertzen direla, nahiz eta askotan gertatzen dena "euskal erakundeen sistemaren berezitasunaren ondorioa den, hain zuzen, erakundeen arteko bateragarritasunaren ondorioa", lurraldearen erro historikogatik.
De Andresen ustez, bi erakundek proiektu bera egitea ez da bikoiztasuna eta, gogoratu duenez, askotan Eusko Jaurlaritza bera da beste erakundeen ekarpenak eskatzen dituena.