Ekonomia -
Batzar pribatua
Lagarde Alemanian izango da eta Merkelekin bilera pribatua izango du
Nazioarteko Diru Funtsako zuzendariak hitzaldi bat eskainiko du Kanpo Harremanetarako Alemaniako Kontseiluan eta bide batez, kantzilerrarekin izango da.
Erredakzioa
Christine Lagarde Nazioarteko Diru Funtsako zuzendariak hitzaldi bat eskainiko du astelehen honetan Kanpo Harremanetarako Alemaniako Kontseiluan eta hura aprobetxatuz, Angela Merkel kantzilerrarekin batzar pribatu bat izango du. Gainera, ondoren ez dute komunikabideen aurrean prentsaurrekorik eskainiko.
"Lagarde andreak bisita egingo du Alemanian Kanpo Harremanetarako Alemaniako Kontseiluan hitzaldi bat eskaintzeko (...) Horrek egungo gertaerei buruz Merkelekin hitz egiteko aukera ahalbidetuko du", azaldu du Steffen Seibert Alemaniako Gobernuko bozeramaileak.
Urtarrilaren 30ean izango den Europako Kontseilua prestatzeko asmoz, Jose Manuel Durao Barroso Europako Batzordeko presidentearekin eta Herman Van Rompuy Europako Kontseiluko presidentearekin batzartuko da astelehenean.
