Metroko lehen lanuzteak % 90eko jarraipena izan du sindikatuen arabera

Metro Bilbaoko greba batzordeak adierazi duenez, ostegun honetan deitu duten lanuzteak % 90eko jarraipena izan du. Enpresak, bestalde, trenen erdiak funtzionatu dutela adierazi du.

ELA, CIM, UGT,LAB eta ESK-¡k osatutako greba batzordeak ohar batean jakinarazi dutenez, goizeko 05:45etatik a 07:45etara deituta zegoen lanuztearen jarraipena % 90ekoa izan da gidarien artean, % 80koa geltokietan. Arratsaldeko lanuzteak ''oso antzekoak edo zertxoboait arrakastatsuagoak'' izan direla iragarri dute.

Hala ere, enpresak jakinarazi duenez, bi ordu horietan zerbitzuaren % 50 eskaini ahal izan da, ezarritako % 30eko gutxieneko zerbitzuaren gainetik, alegia.

Metro Bilbaoko langileek lan gatazka hasi zenetik 21 lanuzte partzial egin dituzte guztira, eta 24 orduko lanuzte bat.