Arrain txiki osasuntsua bereganatuko du Euskadiko Kutxak

Egungo testuinguru ekonomiko zailean marjinak txikitzen eta bolumena txikitzen ari dira, eta finantza erakundeei berankortasunak gora egiten die. Gauzak horrela, ezinbestekoa da eraginkortasuna lortzea, hau da, mailegu kopuru berdina ematea, kostu txikiagoekin, ahal den heinean, eta horrek gutxieneko tamaina eskatzen du.

Euskadiko Kutxa eta Ipar Kutxa mailegu kooperatibak dira, oro har, aurrezki kutxak edo bankuak baino erakunde txikiagoak dira. Horregatik arazo gutxiago eragiten dute, eta arazoak eraginda ere, konpontzeko errazagoak dira.

Euskadiko Kutxa da nolabait Ipar Kutxa irentsiko duena, bost bider handiagoa delako. Alabaina, bost aldiz handiagoa izan arren, iaz bikoitza baino ez zuen irabazi. Beraz, arrain txiki osasuntsu bat bereganatuko du Euskadiko Kutxak.

Orain ikusteko dagoena da mailegu kooperatibak euren eredu propio bat finkatzeko gai izango ote diren eta Ipar Kutxatik datozen 400 bat langileak kooperatibista bihurtuko diren.