Itxi

2022/01/03

15:06

Ekonomia

IBILGAILUAK

Autoen salmentak % 18,3 egin zuen behera iaz EAEn

AGENTZIAK | EITB MEDIA

Gasolina- eta diesel-ibilgailuen matrikulazioak jaitsi egin ziren, baina igo egin ziren ibilgailu elektrikoenak, hibridoenak edo beste erregai batzuk erabiltzen dituztenenak, hala nola hidrogenoa eta gasa.

1:15
Ibilgailuen salmenten inguruko datuak. EITB Mediaren bideo batetik ateratako irudia.
  • Whatsapp
  • Whatsapp
  • Telegram
  • Bidali

Euskadik turismoen eta lur orotakoen salmentak negatiboan itxi zuen 2021ean hirugarren urtez jarraian, matrikulazioak % 18,3 jaitsi baitziren 24.716 eragiketa erregistratu ondoren, hau da, 2020an baino 5.545 gutxiago.

Anfac fabrikatzaileen eta Faconauto eta Ganvam banatzaileen elkarteek emandako datuen arabera, 2020a hirugarren urtea izan zen Euskal Autonomia Erkidegoko salmentek behera egin zutena, 2019ko % 4,6ko atzerakadaren eta 2020ko % 23,4ko jaitsieraren ondoren.

Zifra horiek ez datoz bat Espainia osokoarekin; izan ere, iaz matrikulazioak % 1 igo ziren 2020tik, baina 2019koak baino % 32 txikiagoak izan ziren.

Euskadin, joan den urtean jaitsi egin ziren bai gasolinazko ibilgailuen matrikulazioak (% -29,4 eta 11.639 salmenta guztira), bai dieselezkoak (% -40 eta 3.916 eragiketa).

Hala ere, ibilgailu elektrikoen, hibridoen eta hidrogenoa eta gasa bezalako beste erregai batzuk erabiltzen dituztenen salmentak nabarmen igo ziren 9.161 salduta, hau da, 2020an baino % 26,3 gehiago.

  • Bisitatuena

      Kargatzen ikusiena
      Kargatzen ikusiena
    ;