Esperanza Aguirrek piketeak salatzeko dei egin die madrildarrei

Esperanza Aguirre Madrilgo erkidegoko presidenteak greba orokor egunean "lanera joateko" eta pikete informatiboen "indarkeria eta koakzioak" salatzeko dei egin die "herritar guztiei".

Piketeak salatzeko helburuz, sare sozialetan "argazkiak eta bideoak" igotzea eskatu du.

Aguirrek Madrilgo PPko zuzendaritza batzordea batzartu eta gero egin du deia. Izan ere, agintariaren ustez, greba orokorrak "ez du zentzurik".

Madrilgo presidenteak esan du teknologiek "unean uneko gardentasuna" ahalbidetzen dutela eta, beraz, "edozein indarkeria ekintza salatzeko beharra betetzeko" eskatu die madrildarrei.

Aguirrek are gehiago sakondu du piketeen aurkako adierazpenetan: "joan den mendekoak dira".

Greba deialdiaz, Aguirrek iritzi dio arrazoi gutxi daudela lanuzteak deitzeko, eta "kutsu politiko argia" duela gaineratu du.