Araban ere ez da zerga amnistiarik izango

Javier de Andres Arabako ahaldun nagusiak esan du Aldundiak ez duela zerga amnistia ezarriko, Gipuzkoak eta Bizkaiak egingo duten moduan. Andresen arabera, neurria ezartzeak zergadun "onak" diskriminatuko lituzke.

De Andresek prentsaurrekoa eman du gaur Diputatuen Kontseiluan zerga amnistiari buruz eztabaidatu ostean.

Araban, PPk nahi izanda ere ez zuten neurria ezartzea lortuko, izan ere, PPk ez ditu nahikoa diputatu arau fiskalak bere kasa onartzeko.

Arabako ahaldun nagusiak azaldu duenez, zerga amnistiarekin 3,7 milioi euro inguru joango lirateke Aldundiaren kontuetara.

Hala ere, De Andresek onartu du neurria ezartzeak zergadun "onak" diskriminatuko lituzkeela. Gainera, 90eko hamarkadako "opor fiskalak" direla eta, Araban hainbat enpresa esfortzu handia egiten ari dela eta horiek ere diskriminatzea izango litzatekeela gogorarazi du.