Ekonomia -

Petrolioa

Gasolina % 9,8 igo da eta gasolioa % 14,9 astebetean

Bi erregaiek marka historikoak hautsi dituzte elkarren segidako hamaikagarren igoera egin ondoren. Dieselaren kasuan, aurten % 34,9 garestitu da, eta gasolinak % 24,68 egin du gora.

Gasolindegi bat. Argazkia: EFE.
Gasolina
Gasolindegi bat. Argazkia: EFE.

Agentziak | EITB MEDIA

Whatsapp Facebook Twitter Telegram Email

Gasolinaren eta gasolioaren prezioak errekor historiko berriak bereganatu ditu aste honetan ere, nahiz eta petrolioaren kotizazioak behera egin duen azken egunetan. Izan ere, 102 dolar inguru kotizatzen du upeleko, Errusiak Ukrainari eraso zionetik markatutako mailen azpitik.

Zehazki, bi erregaiek elkarren segidako hamaikagarren igoera izan dute aste honetan. Dieselaren kasuan, aurten % 34,9 garestitu da, eta gasolinak % 24,68 egin du gora.

Gasolina litroaren batez besteko prezioa 1,844 euroan kokatu da aste honetan, zazpigarren errekorra jarraian, aurreko asteko datuekin alderatuta % 9,82 garestitu ondoren, Europar Batasuneko Petrolio Buletinan datuen arabera.

Bestalde, gasolio litroaren batez besteko prezioa 1,817 euroraino igo da, duela zazpi egun baino % 14,92 gehiago. Horrela, bosgarren maximo historikoa jarraian ezarri du.

EBko Petrolio Buletinak jasotzen dituen prezioak batezbestekoak dira, baina Espainiako gasolindegi askotan bi erregaien prezioa litroko bi eurotik gora saldu da.

Hau zure interesekoa bada, baliteke beste gai hauek ere izatea
Errusiaren inbasioak eragindako krisia Ekonomia Eguneko albisteak Albisteak Gasolioaren prezioa