Itxi

Ekonomia

Behin behineko datuak

KPIa % 8,4an kokatu da apirilean, beherakada txiki baten ostean

agentziak | eitb media

Argindarraren eta erregaien prezioen jaitsierak eragin du beherakada txikia, % 0,1ekoa, aurreko hilabetearekin alderatuta. Halere, elikagaien prezioak gora egin du iazko hilabete berarekin erkatuta.

  • Maiatzaren 13an argitaratuko du INEk apirileko behin betiko datua

    Maiatzaren 13an argitaratuko du INEk apirileko behin betiko datua. Argazkia: Pixabay

Kontsumo Prezioen Indize (KPI) aurreratuaren adierazleak % 0,1 egin du behera apirilean, aurreko hilabetearekin alderatuta, eta urtetik urterako tasa % 1,4 murriztu da, % 8,4an kokatuta, argindarraren eta erregaien prezioen beherakadagatik, Estatistika Institutu Nazionalak (INE) gaur plazaratutako datuen arabera.

Bi hilabetez jarraian gora egin ostean behera egin duen lehen hilabetea da. Martxoak % 9,8an kokatu zen indizea, ia 37 urtetan izandako tasarik altuenean.

INEren arabera, argindarraren eta erregaien prezioek beherakadak eragin dute urtetik urterako tasaren % 8,4ko jaitsiera. Aldiz, elikagaien salneurria iazko hilabete berean baino altuagoa da.

Aurreratutako datuotan, INEk azpiko inflazioaren (energia produktu eta prozesatutako elikagaiak kontuan hartu barik) estimazioa jaso du. Adierazle hori puntu bat igo zen apirilean, % 4,4an kokatuta, 1995eko baliorik altuena. Hala, azpiko inflazioa KPI orokorra baino lau puntu beherago geratu da.

Hilabeteko tasari dagokionez, aipatu bezala, KPIa % 0,1 jaitsi zen, martxoko datuekin alderatuta, bi hilabetez jarraian gora egiten egon ostean.

2022ko laugarren hilabetean, urtetik urterako KPI orekatua % 8,3an kokatu zen, martxoan baino puntu t'erdi beherago.

Bestalde, KPI orekatuaren adierazleak % 0,2 egin du atzera aurreko hilabetearekin alderatuta.

INEk maiatzaren 13an argitaratuko ditu apirileko behin betiko datuak.

  • Bisitatuena

      Kargatzen ikusiena
      Kargatzen ikusiena