Tecnaliak 'akain' robot bat aurkeztu du ontzien kaskoa mozteko

“Akain” robot batek lan egiten duen bitartean oztopoak saihesten dituen makina batek edo pertsonei laguntzen dien robot batek itxuratzen dute etorkizuneko fabrika.

Sektorean duen esperientziari esker, Tecnaliak etorkizuneko fabrikaren beharrak identifikatu ditu, eta konponbide bat eman die ikerketaren eta teknologiaren bitartez, eta Makina Erremintaren 27. Bienala, Europan sektorean egiten den azoka nagusia, aukeratu du tresna horien berri emateko. Tresna horietako bakoitzak fabrikazioak jasangarria eta lehiakorra izan dadin etorkizunean izango dituen premia berriei erantzuten die: malgutasuna fabrikazioan, prozesuen optimizazioa, makina eramangarriak, kable-robotika eta lankidetzazko robotika. Teknologia horiek zuzenean erantzuten diete fabrikazioaren merkatuak epe labur, ertain eta luzean pixkanaka bereganatuko dituen faktore giltzarriei.

Horren adibidea da Tecnaliak Bienalean erakutsiko duen soldatzeko robota: hainbat piezatan lan egiteko gai da piezak mugitu ere egin gabe; izan ere, robota joaten da pieza batetik bestera, eta, hala piezak lekuz aldatzeko denbora eta kostuak aurrezten dira, eta makinaren errendimendua % 100 aprobetxatzen da. Robot horren garapenean giltzarri izan da Tecnaliak munduan lehen robot-fabrikatzaile den Fanucekin urte batzuetatik hona duen lankidetza estrategikoa.