Krisi Ekonomikoa -
Murrizketak
Generalitateak askaririk gabe utzi ditu Kataluniako presoak
Hemendik aurrera, presoek arratsaldeko ogitartekorik izango ez dutela erabaki du Generalitateak.
Erredakzioa
Generalitateko Espetxe Zerbitzuen Zuzendaritzak Kataluniako kartzelatako presoei askaria kentzea erabaki du. Hori da Kataluniako Gobernuak krisiari aurre egiteko erabaki duten neurrietako bat.
Roca del Vallseko Gazteentzako Espetxeko presoek ezik, astearte honetatik aurrera, Kataluniako presoek ezingo dute arratsaldeko ogitartekoa jan.
Horrez gain, urteko menu bereziak bi egunetan bakarrik eskainiko dituzte: Gabonetan eta Urte Zaharrean. Kafetegiaren ordutegia ere murriztu egingo dute; izan ere, orain arte "luzeegiak" izan dira, Generalitatearen aburuz.
Espetxeetako funtzionarioengan ere eragina izango dute murrizketek eta, irailetik aurrera, menuarengatik 6 euro ordaindu beharko dute (orain arte 3,19 ordaintzen zuten).