Krisi Ekonomikoa -
Polemika
Espainiako Gobernuak esandakoa gezurtatu dute Frantziak eta Italiak
Bi Estatuek Espainiarekin batera goi-bilerako akordioak "lehenbailehen" betetzeko eskatu izana ukatu dute.
Erredakzioa
Frantziak eta Italiak Espainiarekin egindako adierazpenetan ekainaren 28an eta 29an Europako buruen goi-bileran adostutako akordioak “lehenbailehen” aplikatzea eskatzea ukatu dute.
Parisek eta Erromak era horretan Espainiako Kanpo Arazoetako ministroak esandakoa gezurtatu dute. Jose Manuel Garcia Margalloren Departamentuak ohar batean hiru herrialdeek astearte honetan izandako bileran Europako Kontseiluan adostutako akordioak berehala aplikatzea eskatu dutela azaldu du. Ministerioak bere webgunetik oharra kendu du geroago.
