Krisi Ekonomikoa -
Rajoyren agerraldiaren ostean
Erreskatearen gaia ez da uda igaro arte argituko, Aguirreren ustez
Jaurlaritzaren iritziz, Gobenuaren politika "okerra da", "murrizketak bata bestearen atzean" eginez, ekonomiak berriro ere atzera egitea lortuko dutelako.
Erredakzioa
Carlos Aguirre Jaurlaritzako Ekonomia eta Ogasun sailburuaren iritziz, Espainia erreskatatuko duten ala ez udaren ostean argituko da, eta ez lehenago.
Aguirrek Gasteizen egin ditu adierazpenok, Andre Maria Zuriaren hasierako ekitaldia, Zeledonen jaitsiera, ikusi ondoren.
Jaurlaritzaren ustez, Rajoyren Gobernuaren politika "okerra" dela berretsi du sailburuak, "murrizketak bata bestearen atzean" eginez, ekonomiak berriro ere atzera egitea lortuko dutelako.
"Konfiantza berreskuratu"
"Espainiak haztea eta enplegua eta aberastasuna sortzea behar du, merkatuek herriaren etorkizunean konfiantza berreskuratu eta egungo tentsioak behera egiteko", azpuimarratu du.
