Ekonomia -
Garraioa
Bizkaiko Aldundiak izoztu egingo ditu kamiointzako bide-sariak 2024an
Gainera, Txorierriko ordainlekuak ez dira oraindik martxan jarriko, eta atzeratu egin dute proiektua. Gainerako ibilgailuentzat, bide-sarien prezioa % 3 igoko da.
eitb media
Bizkaiko Aldundiak iragarri du izoztu egingo dituela kamioientzako bide-sariak 2024an, eutsi egingo diela erabileragatik edo gutxiago kontsumitzen duten ibilgailuentzako deskontuei, eta atzeratu egingo dela Txorierrin ordainlekuak jartzeko proiektua (2024ko erdialdetik aurrera).
Garraiolariei laguntzeko asmoz, era berean, 1,5 milioi euroko inbertsioa egingo du Aldundiak sektorearen segurtasuna, lehiakortasuna, digitalizazioa eta jasangarritasuna hobetzeko.
Hala eta guztiz ere, Imanol Pradales Azpiegitura eta Lurralde Garapeneko diputatuak jakinarazi du gainerako ibilgailuentzat % 3koa izango dela bide-sariaren prezioen gorakada, Aldundiko Gobernu Kontseiluak onartutako dekretuan oinarrituta. Hilabeteko gehienezko gastuak berdin jarraituko du 36 euroan.