Seat-ek 189.200 auto saldu ditu uztailera arte, % 12,2 gutxiago

Volkswagen auto fabrikatzaile alemaniarrarena den Seat marka espainiarrak 189.200 auto saldu ditu urtearen lehenengo zazpi hilabeteetan, 2011 urteko epe berdinean baino % 12,2 gutxiago.

Volkswagenek prentsa ohar baten bitartez azaldu duenez, “merkatuaren egoera zaila dela eta”, Seat-en salmentak % 17,2 jaitsi dira Europan, zazpi hilabete hauetan 160.400 auto salduz.

Dena den, salmentek portaera ona izan dute Mexikon, % 21,8ko hazkundea izan baitute.

34.400 unitate

Alemanian ere salmentak hobetu ditu espainiar markak, orain arte % 11,4ko hazkundea izan baitu 34.400 auto salduta.