Espainiaren altxor letrak, maiatzetik saldu diren interes baxuenean

Altxor Publikoak 3.607,28 milioi euro esleitu ditu hiru eta sei hilabeterako letratan eta batez besteko interesak nabarmen jaitsi dira.

Aurreikusitakoa baino gehiago lortu dute, % 0,946 eta % 2,026ko interesean. Uztaileko enkantearekin alderatuta, interes-tasa baxuagoak dira, % 2,43 eta % 3,691ko interesean esleitu baitzituzten orduan.

Merkatuen barealdia aprobetxatu du Altxorrak eta esleitu dituen letrak onuragarriak dira, batik bat hiru hilabetekoak, interesa % 1etik jaistea eta ia puntu eta erdi gutxitzea lortu duelako.