Krisi Ekonomikoa -
Ordainketa eguna
Erreskatearen lehen 1.000 milioiak jasoko ditu asteartean Kataluniak
Irailari dagozkion ohiko zenbait gastu ordaintzeke ditu Generalitateak.
Erredakzioa
Erkidegoen Likideziarako Funtsatik 1.000 milioi euro jasoko ditu Kataluniak asteartean, Ogasun eta Administrazio Publikoen Ministerioko iturriek jakitera eman dutenez. Kataluniak eskatu duen 5.000 milioi euroko erreskatean lehen 1.000 milioiak dira.
Ostiral honetan sinatu dute mailegu operazioa ICO Mailegu Institutu Ofizialak eta Kataluniak. Hitzarmen horrek asteartea jo du ordainketarako epe-muga.
Gobernuko iturriek azaldu dutenez, egutegi horrekin Katalunia gai izango da hilabete bukaeran egin behar duen zorraren ordainketari aurre egiteko.
Edonola ere, irailari dagozkion ohiko zenbait gastu ordaintzeke ditu oraindik Generalitateak, bertako iturriek azaldu dutenez, aste honetarako aurreikusita zauden 560 milioi euroak ez baitituzte jaso.
