Bilbo erdialdeko sarbidea -
Sutea
Eraikin bat hustu dute Bilbon, sute baten ondorioz
Portuko Markesaren kaleko 4. zenbakiko etxebizitza batean piztu da sua. Kea eraikin osoan zabaldu da, baina ez da inor zauritu. 10:00etarako itzali dute.
I.A. | EITB.EUS
Eraikin bat hustu dute gaur goizean, Bilbon, Portuko Markesaren kaleko 4. zenbakian. Etxebizitza batean sua piztu da, eta, ondorioz, eraikin osoa hustu dute, Segurtasun Sailak jakitera eman duenez.
Eraikinaren beheko solairuan okindegi bat dago, eta hori ere hustu dute, kea eraikin osoan zabaldu delako. Halere, ez da inor zauritu, eta 10:00etarako itzali dute.
Ertzaintzak ikerketa abiatu du sua nola piztu den argitzeko. Udaltzaingoa, Ertzaintza eta suhiltzaileak joan dira sutea izan den lekura.