Gizartea -
Zabalguneko aparkalekuan
Ospitalean larri jarraitzen du Bilboko sutean zauritutako batek
-1 eta –3 solairuetan dauden autoen jabeek ibilgailuak atera ditzakete. –2 solairuetakoek, aldiz, 17:00etara arte itxaron beharko dute autoa ateratzeko.
Erredakzioa
Astelehenean Bilboko Zabalguneko aparkalekuan zauritutako batek ospitalean jarraitzen du, larri. Sutea 13:30ak aldera hasi zen, aparkalekuaren barruan. Beste bi zaurituei alta eman diete.
Bilboko Udalak aditzera emandakoaren arabera, suak bost auto erre zituen eta beste bosteri kalte egin zien. Antza denez, sua auto batek izandako matxura mekanikoak eragin zuen.
-1 eta –3 solairuetan dauden autoen jabeek ibilgailuak atera ditzakete. –2 solairuetakoek, aldiz, 17:00etara arte itxaron beharko dute autoa ateratzeko.
