Emakume bat bortxatzen saiatu zen gaztea espetxera bidali dute

Emakume bati Gernikan sexu-erasoa egiten saiatu zen 19 urteko gaztea espetxera bidali du gaur epaileak. Erasoa astearte honetan gertatu zen, Gernikako Iparragirre kalean.

Biktimaren bi lagunek emakumeari sexu-erasoa egitea saihestu zuten. Gazteek ustezko erasotzailea harrapatu eta zaindu egin zuten Ertzaintza iritsi zen arte. Atxilotuak 19 urte ditu, baita zenbait aurrekari polizial ere.

Jaurlaritzaren Segurtasun Sailak aditzera emandakoaren arabera, 9:00ak aldera, gizonezko bat Iparragirre kaletik zihoan emakumezko bati eraso egin zion eta aparteko leku batera eramaten saiatu zen.

Bidean, erasotzaileak zirriak egin dizkio biktimari eta arropa urratu dio.

Emakumearen bi lagun metro batzuetara zeuden eta biktimaren oihuak entzun zituztenean laguntzera joan ziren.

Momentu horretan, erasotzaileari aurre egin zioten eta harrapatuta eduki zuten poliziak iritsi ziren arte.