Espaziora joateko bidaiarien bila dabiltza

Multinazionak espaziora bidaia egiteko aukeraketa prozesua hasiko du ostegun honetan Espainian. Guztira 22 pertsona hartuko dituzte, horietariko bat espainiarra, espaziora bidaiariekin egingo den lehen bidaietako bat antolatzeko.

Aukeraketa prozesuan parte hartu nahi dutenek ostegunetik eman dezakete izena. Lehia nazioartekoa izango da. Aukeratuek urtebeteko entrenamendua eta trebakuntza izango dute.

Prozesua enpresa multinazional ezagun batek antolatu du, eta 22 aukeratuak izango diren akademiak enpresa horrek ekoizten duen desodorante baten izena izango du. Espainian, hautaketak Felix Toran elektronika-ingeniariaren babesa du. Toranek 12 urte eman ditu Europako Agentzia Espazialean.

Aurkezpenean SXC (Space Expedition Corporation) enpresako ordezkari bat izango da, enpresa horrek espaziora bidaiak antolatzen ditu.