Guardia zibil batek Mossoei: 'Normala, zuek torturatzaile fama izatea'

Auzitegi Gorenak Bost lanegunetako isuna eta denbora berdinako gaitasungabetzea jarri dio Trafikoko guardia zibil bat Esquadrako Mossoei irain egiteagatik. Akusatuari isuna jarri zioten Mossoek A-7 autobidean abiadura muga gainditzeagatik.

Frogatutako gertaeren arabera, 2010eko apirilaren 30eko 18:30ean, mosso batzuek autoa gelditzeko agindua eman zioten kalez jantzita zihoan guardia zibil bati. Guardia zibilak autoa Tarragonako Medol zerbitzugunean gelditu zuen, Bartzelonako noranzkoan, eta mossoek gehiegizko abiaduran joateagatik isuna jarri zioten.

Orduan, guardia zibila Esquedrako Mossoen sarjentuari zuzendu zitzaion, "oihuka eta imintzioak egiten": "Zer nahi duzu, zertarako geldiarazi nauzu?"; "Zein da arazoa, ezin ahal da ezkerretik aurreratu, ala?"; "Nik nahi diodanari egiten diot garrasi, ez zuk ez beste inork ez dit esango nolako jarrera izan behar dudan", edo "gero nire kidea zarela esango duzu, baina edonoiz Benidormera etorriz gero, ikusiko duzu, normala da zuek torturatzaile ospea izatea".

Mossoen bigarren patruila bat iritsi zenean, akusatuak irainekin jarraitu zuen: "zer? Eskolatik irten berria zara, ala?"; "zer, galoiak oparitu egin dizkizute?"; "Ez daukazue ideiarik ere, eta gainera buruzagien antzera zabiltzate", eta ondoren beste bi mossoei zuzendu zitzaien: "a zelako buruzagiak dauzkazuen, jai duzue hauekin".

Salaketa buletina eginda, sarjentuak agurraren keinua egin zion guardia zibilari eta honek "egin ezazu agur behar den moduan, koño, agur egiten ere ez dakizu eta!".