Matxura batek atzerapenak eragin ditu Bilboko metroan

Goizean atzerapenak izan dira Bilboko metroan, komunikazio akats bat tarteko.

Matxura 10:50 inguruan gertatu da Zazpikaleak eta Abando geltokien artean. Ondorioz, gidaritza manuala izatera igaro da, eta metroaren abiadura jaitsi egin da, zirkulazio baldintza guztiak gidariek eurek egiaztatu behar izan baitituzte.

Abiadura jaitsi denean, atzerapenak izan dira metro zerbitzuan, sare nagusian atzerapenak txikiagoak izan badira ere.

Metro Bilbaoko langileek matxura konpontzea lortu dute, eta hhandik minutu batzuetara egoera bere onera itzuli da.