Gizartea -
Zirkulazio-istripua
Gizonezko bat hil da Galdakaon, hiru ibilgailuk talka egin ondoren
N-634 errepidean izan da ezbeharra, Erletxetan, eta beste bi lagun zauritu dira ezbehar horretan.
Erredakzioa
60 urteko Barakaldoko gizonezko bat hil da gaur arratsaldean Galdakaon, zirkulazio-istripu batean. 16:15ean, hiru ibilgailuk talka egin dute N-634 errepidean, Erletxetako bidegurutzean, oraindik argitzeke dauden arrazoiengatik.
Ondorioz, gidarietako bat hil egin da, eta suhiltzaileek atera behar izan dute hilotza autotik. Halaber, 35 eta 61 urteko beste bi lagun zauritu dira ezbehar horretan, eta Galdakaoko ospitalera eraman dituzte.
Auto-ilarak sortu dira inguruetan.
Hau zure interesekoa bada, baliteke beste gai hauek ere izatea
