Gizartea -
Abeletxe batean
Gizonezko bat hil da Melidan, hormigoizko bloke bat gainera erorita
Nafarroako Gobernuak jakinarazi duenez, gizonezkoari hormigoizko bloke bat erori zaio gainera, txerri abeletxe batean.
Erredakzioa
Gizonezko bat hil da Melidan, Tuterako merindadean, Nafarroan, hormigoizko bloke bat gainera erori ostean.
Istripua 11:32an gertatu da Zumalakarregi kaleko txerri abeletxe batean, Nafarroako Gobernuak jakitera eman duenaren arabera. Ez dute gertatutakoaren inguruko xehetasun gehiagorik eman.
Istripua gertatutakoan, gizonezkoa kotxe partikular batean eraman dute Zarrakazteluko erietxe batera, baina medikuek heriotza berretsi dute.
Foruzainak istripua izan den lekura joan dira, horren nondik norakoak ikertzera.
Hau zure interesekoa bada, baliteke beste gai hauek ere izatea