Gizartea -
Suzko arma atera du
Gizon batek Lanbideko langile bati mehatxu egin dio, Bilbon
Errenta soziala jasotzeko eskaera egin zuen, eta langileak diru-laguntzarik ez dagokiola esan dionean, suzko arma erakutsi dio.
Gizonezko batek suzko arma batekin mehatxu egin dio Lanbideko langile bati Errekalden, LAB sindikatuak jakinarazi duenez.
Antza denez, errenta soziala jasotzeko eskaera egin zuen gizonak, eta, gaur, Lanbideko langileak diru-laguntzarik ez dagokiola esan dionean, jaka barruan ezkutatuta zeukan suzko arma erakutsi dio.
Gertaeraren harira, oharra kaleratu du LAB sindikatuak eta Lanbideko langileari elkartasuna helarazi nahi izan dio. Krisi ekonomiko garai honetan gaurkoa bezalako ekintzak "maiz" gertatzen direla salatu du sindikatuak.
"Lanbideko langileek ez dute bizitzen ari garen krisi honen erantzukizunik", gogoratu du LABek.